“Caspian Textile”yə məxsus fabrikimizdə işçi geyimlərinin istehsalı fəaliyyətimizin əsas hissəsini təşkil edir. Peşəkar komandamız və müasir avadanlıqlarımız sayəsində müxtəlif sahələr üçün yüksək keyfiyyətli və rahat işçi geyimləri istehsal edirik. Məhsullarımız həm təhlükəsizlik, həm də komfort baxımından ən yüksək standartlara cavab verir.

Bundan əlavə, şirkətlərin korporativ kimliyini gücləndirmək və fərqləndirmək məqsədilə loqoların geyimlərə tətbiqini də həyata keçiririk. Bu proses müxtəlif üsullarla – boya çapı, naxış və flex texnologiyası vasitəsilə yerinə yetirilir. Müştərilərimizin tələblərinə uyğun olaraq, istənilən dizayn və rəng çeşidində loqo və şüarların tətbiqini təmin edirik.

Eyni zamanda, fabrikimiz yüksək keyfiyyətli fərdi mühafizə vasitələrinin satışını da həyata keçirir. İş mühitində təhlükəsizliyi təmin etmək üçün nəzərdə tutulmuş bu vasitələr işçilərin sağlamlığını və təhlükəsizliyini qorumağa kömək edir. Məhsul çeşidimizə müxtəlif qoruyucu geyimlər, əlcəklər, maskalar və digər təhlükəsizlik vasitələri daxildir.